What Is Html

HTML ဆိုတာဘာလဲ

HTML ဆိုသည်မှာ Hyper Text Markup Language ၏ အတိုကောက် ဖြစ်ပြီး websites များကို ပုံဖေါ်ရာတွင် အသုံးပြုသော language ဖြစ်ပါသည်။

Websites များတွင် click လုပ်ပြီး အခြားစာမျက်နှာသို့ ရွှေ့နှိုင်သည့် စာကြောင်း လေးများကို Hyper Text (Hyperlinks) ဟုခေါ်ပါသည်။

HTML ပေါ်ခါနီး ကာလ က ကုမ္ပဏီ အသီးသီး သည် system အမျိုးမျိုး ဖြင့် ကွန်ပြူတာ များကို ထုတ်လုပ် နေကြသဖြင့် ကွန်ယက် (network) ချိတ်ဆက်ပြီး အချင်းချင်း ဆက်သွယ်ရန် အလွန်ခက်ခဲ ပါသည်။ ၎င်း ကိစ္စကို ဖြေရှင်းရန် အမေရိကန် သမတ Lyndon B. Johnson က July 1, 1969 တွင် ကွန်ပြူတာ အားလုံးသည် ASCII ဖတ်နိုင်ရမည် ဟု အမိန့်ထုတ်ပြန် ခဲ့ပါသည်။   (reference)

Tim Berners-Lee သည် ၁၉၉၀ ခုနှစ်တွင် Hypertext Markup Language (HTML)ကို တည်ထွင် ပြီး အများသုံ အင်တာနက် ခေတ်ကြီးကို စတင်ပေး ခဲ့သည်။ HTML သည် ASCII ကိုအခြေခံ ၍ရေး ထားသော language ဖြစ်ပါသည်။

Webpage ဆိုတာဘာလဲ?

Webpage ဆိုတာ ရိုးရိုး notepad တွင် ASCII ဖြင် ရေးထားသော text file တစ်ခုသာ ဖြစ်ပါသည်။ ၎င်း text file ကို HTML Markup များဖြင့် ရော၍ ရေးထား ပါသည်။ Text file သည် ကွန်ပြူတာ အားလုံး ဖတ်နိုင်သည့် cross platform format ဖြစ်သည်။ HTML file များသည် .html ဖြင့်အဆုံးသတ်သည်။ (ဥပမာ index.html, hello.html … etc)

Markup ဆိုတာဘာလဲ?

HTML file ကို tag များအသုံးပြု၍ markup လုပ်ပါသည်။ ဒါဆို tag ဆိုတာက ရော ဘာလဲ?။ Tag အကြောင်း မပြောခင် tag ဖြစ်ပေါ်လာပုံ ကိုအရင် လေ့လာဖို့ လိုပါသည်။

ကွန်ပြူတာ တို့ HTML တို့ မပေါ်မှီ ပုံနှိပ်လော ကတွင် အယ်ဒီတာ နဲ့ စာစီဆရာ တို့သည် proof paper တွင် tag များဖြင့် markup လုပ်ပြီး၊ ပုံမနှိပ်မှီ စာများကို ပြင်ဆင် ကြပါသည်။


Tim Berners-Lee သည် HTML ကို တည်ထွင်ရာ၌၊ ပုံနှိပ်လောကမှ tag သဘောတရား ကိုယူ၍၊ ASCII သက်သက် ကိုသုံးပြီး၊ HTML Tag များကို ဖန်တည်း ခဲ့ပါသည်။

အောက်ဖေါ်ပြပါ ပုံများ တွင် HTML Tag နှင့် .html ဖိုင်များ အကြောင်းကို လေ့လာနှိုင် ပါသည်။ Grotuxiv

What Is ASCII

ASCII ဆိုတာဘာလဲ

ASCII (အက်စ်ကီး) သည် American Standard Code for Information Interchange ၏ အတိုကောက် ဖြစ်ပြီး October 6, 1960 ရက်နေ့မှာ စတင်ခဲ့ပါတယ်။ ၎င်းသည် အင်္ဂလိပ် အက္ခရာ များကို 8 bit binary code ဖြင့် ကိုယ်စားပြု ပါသည်။

ASCII အသံထွက် ကိုနားထောင် လိုလျှင် အောက်ပုံကို click လုပ်ပါ။

Bell Telephone Company (USA) ၏ တယ်လီပရင်တာ (teleprinter) များတွင် အသုံးပြုသော 7 bit code ကိုမှီငြမ်း ပြုပြီး ASCII ကိုရေးဆွဲခဲ့ ကြပါသည်။ ကွန်ပြူတာနှင့် လိုက်လျှော ညီထွေ ဖြစ်စေရန် 8 bit code အဖြစ်ပြုပြင် ခဲ့သည်။

ASCII code များ ကိုအောက်တွင် ဖေါ်ပြထား ပါသည်။

ကွန်ပြူတာ ပေါ်စက ကုမ္ပဏီ များသည် standard မရှိဘဲ ကွန်ပြူတာ များကို ထုတ်လုပ်နေ ကြသဖြင့် ကွန်ယက် (network) ချိတ်ဆက်ပြီး အချင်းချင်း ဆက်သွယ်ရန် အလွန်ခက်ခဲ ပါသည်။ အမေရိကန် သမတ Lyndon B. Johnson က July 1, 1969 တွင် ကွန်ပြူတာ အားလုံးသည် ASCII ဖတ်နိုင်ရမည် ဟု အမိန့်ထုတ်ပြန် ခဲ့ပါသည်။ (reference)

Tim Berners-Lee သည် ၁၉၉၀ ခုနှစ်တွင် Hypertext Markup Language (HTML)ကို တည်ထွင် ပြီး အများသုံ အင်တာနက် ခေတ်ကြီးကို စတင်ပေး ခဲ့သည်။ HTML သည် ASCII ကိုအခြေခံ ၍ရေး ထားသော language ဖြစ်ပါသည်။ xTraderGrok

What Is Information Technology Part-2

Information Technology ဆိုတာဘာလဲ (အပိုင်း ၂)

နည်းပညာ (Technology)

လူတို့သည် အချက် အလက် များကို၊ သိမ်ဆည်းခြင်း (store), ဖတ်ရှုခြင်း (retrieve),  လက်ဆင့်ကမ်းခြင်း (transmit), နှင့် ပြုပြင်ခြင်း (manipulate) အလုပ် တို့ကို လွန်ခဲ့သော BC 3000 (နှစ်ပေါင်း ၅၀၀၀ကျော်) ကထည်းက ဆောင်ရွက် လာခဲ့ကြသည်။ ထိုစဉ်က မက်ဆိုပိုတေးမီးယား (Mesopotamia) ဒေသတွင်နေထိုင် ခဲ့ကြသော ဆူမားရီးယန်း (Sumerian)လူမျိုးတို့သည်၊ စာရေးနည်း ကိုတည်ထွင်ခဲ့ ကြပြီး၊ အချက် အလက် များကို သိမ်ဆည်း ခဲ့ကြသည်။

စာရေးနည်း (writing), အုပ်ခွက် (clay tablets), ကညစ် (stylus) တို့သည်၊ အချက် အလက် များကို သိမ်ဆည်းရန် အသုံးပြုခဲ့ သည့် “နည်းပညာ” (Technology) များပင်ဖြစ် ကြပါသည်။

လူသားတို့ အသုံးပြု ခဲ့သော နည်းပညာ (Technology) များကို လေးပိုင်း ခွဲ၍ သတ်မှတ်နိုင် ပါသည်။

  • pre-mechanical (3000 BC – 1450 AD)
  • mechanical (1450–1840)
  • electromechanical (1840–1940)
  • electronic (1940–present)

Pre Mechanical (3000 BC-1450 AD)

ပုံနှိပ်စက် မပေါ် မှီခေတ်က နည်းပညာ များဖြစ်ပါသည်။ တိုင်းပြည် ကြီးများ၊ အင်ပါရာ နိုင်ငံကြီးမျာ၊ သည် အုပ်ချုပ်ရေး ယန္တရား (Admin) ရှိမှ တည်ဆောက်၍ ရပါသည်။ စါ (writing) ရှိမှ အုပ်ချုပ်ရေး ယန္တရား (Admin) ကိုဆောင် ရွက်နှိုင် ပါသည်။ လူ့သမိုင်း ကိုပြန်ကြည့် ပါက စါရေးခြင်း တတ်မြောက်ပြီး မှ တိုင်းပြည် ကြီးများ၊ အင်ပါရာ နိုင်ငံကြီးမျာ၊ ပေါ်ပေါက် လာခဲ့ကြောင်း တွေ့ရှိရ ပါမည်။

Mechanical (1450-1840)

ဂူတင်ဘတ် (Johannes Gutenberg 1400-1465) သည် ခဲစါလုံး ဖြင့်စါစီပြီး ပုံနှိပ်နှိင် သော ပုံနှိပ်စက် (Printing Press) ကို ၁၄၅၀ ခုနှစ်တွင် တည်ထွင် ခဲ့ပါသည်။ ယခင်က စာအုပ်တစ်အုပ် ပွားလိုလျင် (copy) လက်ဖြင့် ကူးရ ပါသည်။ ချမ်းသာသူများ၊ မင်းစိုးရာဇာ များ ဘုန်းတော်ကြီ များ သာစါတတ်ကြ ပါသည်။ လူများစုမှာ စါမတတ်ကြပါ။ ပုံနှိပ်စက် ပေါ်ပြီးနောက် စာအုပ်များ ဈေးနှုံး သက်သာစွာ ဖြင့် လူအများ လက်သို့ ရောက်လာပါ သည်။

နောက်ပိုင်း တွင် ဘာသာရေ၊ နိုင်ငံရေး၊ တော်လှန်ရေး များ ပေါ်ပေါက် ပြီး ပဒေသရာဇ် စနစ် ကျဆုံးပြီး သမတ နိုင်ငံများ ပေါ်ပေါက်လာ ပါသည်။ သိပ္ပံ ပညာလည်း အလွန်တိုးတက် လာပြီး၊ နှစ်ပေါင် ၅၀၀ ခန့် အတွင်း လကမ္ဘာ သို့ခြေချ နိုင်သည် အထိ တိုးတက်ခဲ့ ပါသည်။ ဤသည်ကား “ဂူတင်ဘတ်” ၏ကျေးဇူး ပင်ဖြစ်ပါသည်။

Electromechanical (1840-1940)

စမ်မြူရယ် မေါ့စ် Samuel Morse (1791-1872) လျှပ်စစ် ဓါတ်ကြိုး သုံး၍ ကြေနန်း ရိုက် ခဲ့သည့် ကာလမှ မာကိုနီ (Guglielmo Marconi 1874-1937) မှ ရေဒီယို တည်ထွင်သည့်၊ ကြားကာလ အတွင်း ဖြစ်သည်။ ကာလ အားဖြင့် တိုတောင်း သော်လည်း၊ တိုးတက်မှု အများ အပြား ရှိခဲ့ပါသည်။

Electronic (1940-present)

မာကိုနီ (Guglielmo Marconi 1874-1937) ရဲ့ ရေဒီယို တည်ထွင်မှု ကစခဲ့တဲ့ “အီလက်ထရောနစ်” ခေတ်မှာ ရေဒီယိုမီးသီး (vacuum tube), ထရန်စစ်တာ (transistor), အိုင်စီ (integrated circuit) တွေပေါ် လာပြီးတဲ့ နောက်၊ အီလက်ထရောနစ် ပစ္စည်း တွေဟာ အလွန်သေးငယ် လာပြီး၊ ဈေးနှုံးလည်း အလွန်သက်သာ လာပါတယ်။ အီလက်ထရောနစ် ပစ္စည်း တွေကို လူတိုင်း ဝယ်နိုင်လာ ပါတယ်။ Personal Computer, laptop, TV, smart phone စတဲ့ ကရိယာ တွေဟာ လူတိုင်ရဲ့ လက်ထဲကို၊ “ဂူတင်ဘတ်” ရဲ့စာအုပ် တွေလို ရောက်လာ ပါတယ်။

အောက်မှာ ဖေါ်ပြ ထားတဲ့ ပုံတွေကို ကြည့်ရင် electronic ခေတ်ဟာ လူတွေကို ဘယ်လောက် အကျိုးပြုနေတယ် ဆိုတာ သိသာ ပါတယ်။ news.netcraft.com ရဲ့ အဆို အရ အင်တာနက် ထဲမှာ website ပေါင်း သန်းပေါင်း ၆၄၄ သန်း ရှိနေပြီးလို့ ဆိုပါတယ်။ တချို့က information explosion တောင်ဖြစ်နေ တယ်လို့ ဆိုကြ ပါတယ်။

အချုပ် အားဖြင့် ကျွန်တော်တို့ computer လောက မှာ Information technology – Wikipedia ရဲ့အဆို အရ “Information Technology (IT) ဆိုသည်မှာ သတင်း အချက်အလက် များအား ကွန်ပျူတာ ကိုအသုံးပြု၍ သိမ်ဆည်းခြင်း (store), ဖတ်ရှုခြင်း (retrieve),  လက်ဆင့်ကမ်းခြင်း (transmit), နှင့် ပြုပြင်ခြင်း (manipulate) တို့ပင် ဖြစ်သည်” လို့ လက္ခံထား ကြပါတယ်။ xTraderGrok

What Is Information Technology Part-1

Information Technology ဆိုတာဘာလဲ (အပိုင်း ၁)

ပညာရပ်က သိမ်မွေ့တော့ Information Technology (IT) အကြောင်းကို အထောက် အထားနဲ့ ပြေားမှ ဖြစ်ပါမယ်။ Information Technology (wikipedia) စာမျက်နှာရဲ့ ထိပ်ဆုံးမှာ အောက်ပါ အတိုင်း ဖေါ်ပြထားပါတယ်။

Information Technology (IT) is the use of computers to store, retrieve, transmit, and manipulate data or information.”

Information Technology (IT) ဆိုသည်မှာ သတင်း အချက်အလက် များအား ကွန်ပျူတာ ကိုအသုံးပြု၍ သိမ်ဆည်းခြင်း (store), ဖတ်ရှုခြင်း (retrieve), လက်ဆင့်ကမ်းခြင်း (transmit), နှင့် ပြုပြင်ခြင်း (manipulate) တို့ပင် ဖြစ်သည်။

ကွန်ပျူတာ တို့ အင်တာနက် တို့မပေါ် ခင်က Information လိုချင်ရင် စာကြည့်တိုက် (Library) မှာသွားရှာ ပါတယ်။ ခုခေတ် မှာတော့ အင်တာနက် ထဲမှာ ရှာကြ ပါတယ်။ နက်နက်နဲနဲ သိချင်တော့မှ ပညာရှင် တွေရေးထားတဲ့ စာအုပ် ကိုရှာဖတ် ပါတယ်။

ကျွန်တော်တို့ information ရှာချင်လို့ ကွန်ပျူတာ ဖွင့်ပြီး အင်တာနက် ထဲမှာ ရှာရင် ဘာတွေတွေ့ ရမလဲ။

+  စာတွေတွေ့ ရမယ်။
+  အရုပ် (ရုပ်သေ၊ ရုပ်ရှင်) တွေ့ရမယ်။
+  အသံတွေ ကြားရမယ်။

နောက်ဘာ ရှိသေးလဲ၊ ကုန်ပြီး ထင်တယ်၊ ရှိသေးရင် ပြောကြပါဦး။


သမတကြီးက သတင်းစါ ရှင်းလင်း ပွဲလုပ်တော့၊ တက်ရောက်တဲ့ သတင်းထောက် တွေက၊ video ရိုက်မယ်၊ ဓါတ်ပုံ ရိုက်မယ်၊ စာနဲ့ လိုက်မှတ် ကြမယ်။ ဒါတွေက သိမ်ဆည်းခြင်း (store) လုပ်နေ ကြတာပါ။ သိမ်ဆည်း(store) လုပ်လိုက် တာနဲ့ သတင်း အချက်အလက် (information) ဖြစ်သွားပါပြီး။

ဒါဆိုရင် ဒီ သတင်း အချက်အလက် (information) ကဘယ်က လာသလဲ? သမတကြီး နှုတ်ကထွက် လာတဲ့ လူ့စကား (human speech) ကလာပါတယ်။ လူတစ်ယောက် စကားမပြောဘဲ စာရေးချ တဲ့အခါ မှာလည်း ဦးဏောက် ထဲမှာ စကား အဖြစ် ကြားနေရမှာ ဖြစ်ပါတယ်။


လူသားတွေရဲ့ သတင်းအချက် အလက် အများစု ဟာ စာအုပ် တွေအနေနဲ့ ရှိနေကြ ပါတယ်။ အင်တာနက် ပေါ်လာတော့ website တွေ server တွေထဲမှာလည်း အလွန်အလွန် များပြားစွာ သိမ်းဆည်း ထားနိုင်ခဲ့ ကြပါပြီး။ သတင်းအချက် အလက် အများစုဟာ လူ့စကား (speech) ကလာတာ ဖြစ်ပါတယ်။ရုပ်ပုံ တစ်ပုံသည် စကားလုံးတစ်ထောင် နှင့်ညီသည် (A picture is worth a thousand words) ဆိုရိုး အတိုင်း၊ လူသား တွေရဲ့ သတင်းအချက် အလက် တွေဟာ ရုပ်ပုံ (picture) တွေအနေနဲ့ ရှိနေ ကြပါတယ်။ ဥပမာ ဓါတ်ပုံ၊ ရုပ်ရှင်ဗီဒီယို၊ မြေပုံ၊ ဇယား(graphs, charts), technical drawings စသည်ဖြင့် အများ အပြားပါ။ အသံဖမ်းစက်၊ ကင်မရာ(digital video and still camera) တွေ ပေါ်လာ တဲ့ ခေါမှာ၊ အရုပ် (picture) ကလာတဲ့ သတင်းအချက် အလက် ဟာလည်း နေရာ အကြီးအကျယ် ယူလာတာ တွေ့ရ ပါတယ်။

လူ၏ အာရုဏ် ငါးပါးရှိသည့် အနက် အမြင်နှင့် အကြားကိုသာ သတင်းအချက် အလက် (information) အဖြစ် သိမ်ဆည်း(store) လုပ်၍ ရပါသည်။

Information Technology (IT) ဆိုသော ဝေါ်ဟာရ သည် ၁၉၅၈ ကျမှ ပေါ်ပေါက် လာခြင်း ဖြစ်ပါသည်။ Grotuxiv

How Popular Is PHP

PHP ဘယ်လောက်ရေပန်းစားသလဲ?

အင်တာနက် ထဲမှာရှိတဲ့ website ၈၀% ကျော်ဟာ PHP ကိုအသုံးပြုပြီး ဖန်တည်း ထားပါတယ် (ref – https://w3techs.com/)

ကျွန်တော် programming language သုံး လေး ခုရေးပါတယ်၊ ယှဉ်ကြည့်ရင် PHP ဟာ စည်းကမ်း သိတ်မကြီးတဲ့(သိတ်မရှီတဲ့) language တစ်ခုပါ။ PHP နဲ့ serious applications တွေ သွားမရေးနဲ့ ဒုက္ခရောက် လိမ့်မယ်။ website ဖန်တည်း ဖို့ဘဲဆိုရင်တော့ သိတ်ကောင်းပါတယ်။ သူ့နေရာက server ပေါ်မှာပါ။

ဥပမာ ပေးရရင် PHP ဟာ ဘာစ်ကား၊ တက္ကစီ တို့နဲ့ တူပါတယ်၊ BMW တို့ Mercedes တို့လို တော့ပွဲ မတိုးဘူး၊ ဒါပေမဲ့ နေ့စဉ် အကြမ်းသုံးဖို့ က သူမရှိရင် အင်တာနက် ကြီး ရပ်သွား ပါလိမ့်မယ်။

PHP ကို အလကား (free) ရပါတယ်၊ ပြီးတော့ cross platform လည်း ဖြစ်လို့ Windows, iOS, Linux စသည်ဖြင့် OS အားလုံးနဲ့ သုံးလို့ ရပါတယ်။ နောက်ထပ် free ရတဲ့ MySql Database နဲ့ PHP ပေါင်းလိုက်တဲ့ အခါ မှာတော့ ဘယ်လိုမှ ဖိထားလို့ မရတော့ ဘဲ Internet ရဲ့ ၈၀% ကို လက်ဝါကြီး အုပ်သွား ပါတော့တယ်။

နာမည်ကြီး Content Management System (CMS) တွေကို လည်း PHP နဲ့တည်ဆောက် ထားတာ ဖြစ်ပါတယ်။ (ref – https://w3techs.com/)

ထို့ပြင် အောက်ပါ websites တွေမှာလည်း PHP ကိုသုံးထား ကြပါတယ်။ (ref – https://w3techs.com/)

PHP 5.6 ဟာ နှေးပါတယ်၊ Facebook က PHP ကိုမြန်အောင် ဆိုပြီးတော့ HHVM ဆိုတဲ့ နည်းလမ်း ကိုသုံးပါတယ်။ HHVM ဟာ open source virtual machine ပါ။ Facebook ရဲ့ PHP code တွေကို ဒီနည်းလမ်း သုံးပြီး run တော့ တော်တော် မြန်လာပါတယ်။ Facebook ဟာ သူ့ရဲ့ HHVM project source code တွေကို အများသုံး နိုင်အောင် GitHub (https://github.com/facebook/hhvm) မှာတင် ထားပါတယ်။

Rasmus Lerdorf နဲ့သု့ရဲ့ sponsor ဖြစ်တဲ့ Zend Technologies တို့ကလည်း ကြိုးစား လိုက်ကြတာ PHP 7 ထွက်လာပါတယ်။ PHP 7 ဟာ အလွန်မြန် တယ်လို့ ဆိုပါတယ်။ အောက်မှာ Zend ရဲ့ speed စမ်းသပ်ချက် တွေကို ဖော်ပြ ထားပါတယ်။
(ref – http://www.zend.com/en/resources/php7_infographic)

PHP ဝါသနာ ပါသူတွေဟာ အခြားစည်းကမ်း ကြီ သည့် programming language တစ်ခုခု ကိုသင်ယူ ပြီး၊ အတုယူ၍ PHP ကို စနစ်တကျ ရေးနိုင်အောင် ဆောင်ရွက် သင့်ပါတယ်။ xTradeGrok